Páginas

martes, 30 de abril de 2019

Gure Bideoa

Kaixo! Gaurko post honetan zerbait berezia partekatu nahi dugu zuekin. Eskola porrotaren gaia lantzen jarraitzeko bideotxo bat prestatu eta grabatu dugu honen inguruko hausnarketa pizteko helburuarekin bai eta kontzientziatzen hasteko ere. Teknologia digitalei esker gaur egun ia edozeinek film labur bat ekoiztu dezake. Horren ondorioz benetako iraultza eman da non film labur bat egiteko nahikoa izan daitekeen Smartphone bat izatea. Hori dela eta, sketch moduko bideo bat egin genuen aurretik aipatu bezala,  hausnarketarako oso esanguratsua izan daitekeena.

Bideo hau hainbat gauzetarako erabili dezakegu, baina erabilera hoberena hartu dezaketen testuinguruan eskolakoa izango litzateke. Izan ere, motibazioa ez duten ikasleek hau ikusiz identifikatuta sentitu daitezke, arazoa haiena bakarrik ez dela sentitzeko.

Horregatik, alde batetik, ikasleei bideratuta dago,  non ikasle gazteen arteko testuinguru bat sortu genuen nolabaiteko gertutasuna adierazteko. Bestalde, aipatzekoa da bideo familientzat ere bideraturik dago, izan ere, bideoan azaltzen diren hainbat datu garrantzitsuak izan daitezke hainbat gauza planteatzen hasteko, izan ere, gure hezkuntzan daukagun arazoa aurkeztu nahi izan dugu. Honegatik, gurasoentzat ere erabilgarria izan daiteke, izan ere, honen bidez gaur egun dugun arazoaz ohartarazteko.


Beraz, hau guztia esanda, hemen uzten dizuegu sortu genuen bideoa. Espero dugu gustatzea eta zuen iritziak espero ditugu komentarioetan!


jueves, 25 de abril de 2019

Adimen anitzak



Oraingo post honen bidez, adimen anitzen inguruan hitz egin nahi dizuegu, izan ere, eskola porrotaren gaiaren inguruan ezagutzeko eta lantzeko zerbait dela iruditzen zaigu.

Adimen anitzen hipotesia, Howard Gardnerek sortu zuen 1983.urtean. Guztira, 8 adimen mota aurkitu ditzakegu: adimen intrapertsonala, interpertsonala, hizkuntzazko adimena, adimen logiko- matematikoa, naturistikoa, kinestesikoa, musikala eta ikus-espaziala.

Hemen uzten dizuegu bideo labur bat adimen anitzen inguruan gehiago ezagutzeko!


Teoria txiki hau ezagutu ondoren, jarraian, adimen anitz guztiak lantzeko jolas desberdinak proposatzen dizkizuegu:

-          Hizkuntzarako adimena garatzeko jolasak:
o   Beste zatia jolasa: Pertsona batek arbelean hitz bat idatziko du erditik zatitua, beste pertsona guztiak hiztegi baten laguntzaz, arbelean dauden hitzen beste zati erdia bilatu beharko dute. Aukera asko aterako dira, hitz berriak, ezagutu berri ditugun hitzak, egunerokotasunean erabiltzen ditugun hitzak...

-          Logiko matematikorako jolasak:
o   Bingo matematikoa: Kartulina batzuk prestatuko dira, bingo jolasean dauden bezalakoak, baina zenbakizko bolatxoak atera ordez, eragiketa matematikoak aterako dira (3-2=, 4+5=, 8-5=...). Eragiketa hauen emaitzak izango dira kartulinetan ezabatu behar diren zenbakiak. Lerroa bete ezkero, lerroa oihukatu beharko da. Denak ezabatu ezkero, BINGO oihukatu beharko da eta “irabazlea” izango da.

-          Adimen ikus-espaziala:
o   Zure jolasa: Plastilina, kartulina, arkatz, artazi… hainbat materialekin jolas taula bat sortzea eskatuko diegu. Taula behin prest izanda, arauak prestatu behar izango dira, jolasaren helburua taularen amaierara iristea izango da.

-          Adimen musikala:
o   Musikariak: Leku bat aukeratuko da, honetan begiak itxi eta belarriak zabaldu beharko dira. Denbora tarte txiki batean leku horretan dauden soinu guztiak entzungo dituzte hauek identifikatuz eta zenbatuz.

-          Adimen kinestesikoa:
o   Progresioa: Joku honen bidez, ikasleek euren eskuzko koordinazioa gehi ukimenaren zentzumena lantzeko aukera izango dute. Hori dela eta, irakasleak hainbat objektu kutxa batean sartuko ditu eta ikasleek, begiak itxita, objektuen testura desberdintzen joango dira azkenean objektua identifikatu arte.

-          Adimen naturistikoa:
o   Soinuen jolasa: Jolas hau aurrera eramateko, grabatzaile batzuk beharko ditugu, bat talde bakoitzarentzat. Ondoren, talde bakoitza naturaren soinuak grabatuko dituzte, amaitzean grabatzailea beste talde batekin aldatuko dute. Jolas honen helburua beste talde batek grabatu dituen naturaren soinuak antzematea eta asmatzea da.

-          Adimen intrapersonalerako jolasak:
o   Aurpegiak emozioen bidez marraztu jolasa: Pertsona batek esaldi batzuk esango ditu eta besteek honen arabera marrazkiak egin beharko dituzte pertsonaien emozioen arabera, hala nola, “Maialen lagun bat galdu du eta triste dago”, nola izango litzateke bere aurpegia?

-          Adimen interpersonalerako jolasak:
o   Alde onen jolasa: Papertxo batean taldeko besteen alde onak idatziko ditugu. Papertxo hori tolestuko da eta izengabekoa izango da. Ondoren, bakoitzak beste pertsonak idatzi dituzten paperak irakurri ahalko ditu.













martes, 2 de abril de 2019

Mentes peligrosas

Aurreko post-etan eskola porrotaren inguruko informazioa eman ondoren, oraingo honetan gaia modu entretenigarriago batean lantzeko oso interesgarria iruditzen zaigun pelikula bat gomendatu nahiko genizueke.


 


Film honetako protagonista bezala, Louanne Johnson dugu, Ameriketako Estatu Batuetako marine ohi bat. Louanne,  Los Ángeleseko eskola batean irakasle enplegu bat onartzen du non arazo sozialak dituzten gazteekin lan egingo duen. Gazte hauek, testuinguru gatazkatsu eta bortitz batean hazi dira eta honekin batera, arazo ezberdinei aurre egin behar diete, esaterako, arazo kulturalak, sozio-ekonomikoak edota familiarrak. Honen ondorioz, hasieran, gazteen jarrerak desegokiak eta problematikoak dira, baina Louannek harago ikusteko gai izango da eta bere ikasleen hainbat gaitasun eta adimena detektatuko ditu. Horri esker, haien interesa pizten saiatuko da jarduera anitzak aurrera eramanez ikasteko motibazioa pizteko eta ikasleak graduatu ahal izateko helburuekin. Bere helburua lortzeko, ikastetxeak defendatzen duen metodologia tradizional zurrunetik aldendu egingo da eta sistema desberdinak asmatuko ditu ikasle bakoitzarentzat egokituak egongo direnak.



Jarraian pelikularen inguruan hausnartzeko galdera batzuk uzten dizkizuegu:

  •  Zeintuzk dira hezkuntza praktika honen oinarrian dauden Helburu eta Edukiak?
  • Hezitzailearen rola zein litzateke?
  •  Zein metodologia erabiltzen du hezitzaile honek?
  •  Ikaslearen rola zein da?

Zuen iritziak espero ditugu beheko komentarioetan!





miércoles, 27 de marzo de 2019

Eskola porrota, Zer da?

Eskola porrota, hezkuntza sistemaren oinarrizko titulu akademikoa ez lortzea izango liteke. Marchesiren arabera, (2003) huts egiten duten ikasleak, haien eskolako denboraldia bukatzerakoan, ez dituzte ezagutza eta gaitasunak eskuratzen bizitza sozial eta laboral bat modu eraginkorrean bideratzeko edota ikasketak jarraitzeko.  Eskola porrotaren ondorioak norberaren bizitza sozialean, laboralean eta ekonomikoan eragin zuzena du marjinazio soziala eta laborala eragiten. Azken finean, eskola porrotak gizartean integraturik egotea oztopatzen du.

Eskola porrota motak

Eskola porrota lau taldetan sailkatu daiteke bakoitzak larritasun maila ezberdinekin eta  eskakizun terapeutiko desberdinekin.
Lehen mailako eskola porrota: Hezkuntzako lehenengo urteetan umeak errendimendu akademiko baxua du. Hau espontaneoki konpondu daiteke edo eskola porrot  iraunkorraren oinarria izan daiteke.
Bigarren mailako eskola porrota: Urte batzuez hezkuntza-errendimendu egokia izan eta gero arazoak sortzen direnean gertatzen da. Haurren bizitzako aldaketa normalengatik gertatzen da, adibidez, nerabezarorako trantsizioa.
Eskola porrota zirkunstaziala: Identifikatuz, orokorrean, arazo handirik gabe zuzendu daiteke. Inpaktu emozional handiko egoerak eragin handia dute haiengan eta askotan ez dakite nola kudeatu (gurasoen dibortzioa, lagun taldearekin arazoak...).
Ohiko eskola porrota: Nota txarrak eta ez gainditzea dira haurraren ezaugarri nagusienak eskolan hasi zenetik. Ikasle hauek ez dute inoiz izan eskola egokitasun bat, besteak beste, ezaugarri pertsonaletan, hala nola, defizit kognitiboa, garapenean, irakurketan, idaztean, etab.
Ohikoa da gazte hauek desegituratuta dauden familietatik etortzea.

Datuak Espainia/Euskal Herria

Historian zehar, eskola porrota hezkuntza sistema eta herrialde guztietan gertatu da, baina herrialde garatuetako bizi baldintzen hobekuntzaren ondorioz, hezkuntzak bete beharreko xedeen eskakizun maila geroz eta altuagoak dira. Politikariek, hezitzaileek eta teknikoek eskolan kale egitearekin amaitzeko helburuarekin hainbat neurri hartu dituzte. Harrigarria badirudi ere, eskakizun mailaren igoera horrek ez du eskola porrot kasuen kopurua murriztu. Aitzitik, azken urteotan, Espainia eta inguruko hainbat herrialdetan, zifrek gora egin dute, kasu batzuetan besteetan baino nabarmenago, baina gauza bat ziurra da, alegia, gaitza hedatzeko prozesuan dela. (E. Manuel García Perez, 2014)



2013an EBko herrialdeetako batez bestekoaren azpitik zegoen EAE, eskola uzte tasari dagokionez. Luxenburgok (% 6,1), Suediak (% 7,1) eta Austriak (% 7,3) soilik dituzte EAEk baino datu hobeak. Espainia (% 23,6), aldiz , EB-15 aren buruan kokatzen da alderdi horretan, Portugal (% 19,2) eta Italiaren (%17) gainetik.
Taula honetan ikus dezakegu Espainiako eskola porrota tasa Europar Batasun osoarena baino handiagoa dela.


Euskadin aurkitzen da eskola porrota tasa apalena beste autonomia erkidegoekin konparatzen. Izan ere, 2017an, Euskadiko eskola uztearen tasa %5,4era jautsi da, hau da, 2006 eta 2017 urteen artean portzentaia %12z apaldu egin da. Gainera, 2006an emakume eta gizonen arteko ezberdintasun tasak asko nabari ziren, izan ere, %8,5a emazteendako eta %15a gizonendako, hala nola, 2017an ezberdintasuna %0,4ez apaldu egin da.

Eskola porrota bultzatu dezaketen faktoreak

Eskola porrotaren atzean, ikasleen bizitzan eragiten duten testuinguru desberdinak topatu ditzakegu. Hauek, gazteengan positiboki edo negatiboki eragin dezakete. Gazteen arazoak ez daude bizitzen diren gizartetik kanpo. Horregatik, haien jokaera arriskutsuak analizatzeko orduan bere bizitzaren testuinguruan jartzea ezinbestekoa gertatzen da. Hori dela eta, jarraian, gazteen bizitza akademikoan influentzia izan dezaketen testuinguru horietako batzuk azalduko ditugu.

FAMILIA

Eskola porrota eragiten duten zergatien atzean, norberaren familia kontuan hartu beharreko eragina da. Gurasoen jarrera eta portaera besteak beste, erabakigarriak dira ikasketei buruzko ideia positibo edo negatibo baten sorkuntzan. Esaterako, gurasoen heziketa estiloa aipatu dezakegu. Diana Baumrid psikologoak, heziketa estilo desberdin aztertu zituen:


Jarraian, heziketa estiloak ulertzeko, hemen uzten dizuegu bideo labur bat.


Bideoan agertzen ez den beste heziketa estilo bat azalduko dizuegu, hau, “gainbabesa” izenekoa izango liteke, hemen duzue azalpen txiki bat.

Gainbabesa: Seme-alabak gehiegi babesten dituzten gurasoek modu eskas batean ezartzen dituzte arauak, pentsatzen baitute euren haurrak ez daudela prestaturik. Ondorioz, haurrek ezin dute euren independentzia modu egoki batean garatu, eta  jarrera berekoia izaten dute. Autokontrolaren eta autoestimuaren mailak baxuak izaten ohi dira.

ESPARRU PERTSONALA

Esparru hau ikaslearen errendimenduaren elementu garrantzitsuenetako bat da. Hala nola, autokonzeptua eta autoestimua, aspirazio maila, ikasketekiko jarrera, eraginkortasuna biziki garrantzitsuak dira. Bestalde adimena errealitate ebolutibo bat bezala azaldua da, gure bizitzan zehar garatzen den elementu bat da, gure bizitzako esperientziei esker aldatu daitekeena.

Orain arte aipatutako esparruak erlazionatuak daude haurraren portaeran, motibazioan, egoera psikologikoan... Halaber, familian sortzen diren portaera-berezitasun eta faktoreek gaztearen autoestimuan eragina daukate, ondorioz bere ikaskuntza prozesua bideratuko luke.